UWC Махиндра ја нуди  Меѓународната Матура. Заедно со стандардните предмето, колеџот исто така нуди Уметност, Театар, Филм, Психологија, Светски Религии и Глобална Политика. Додатно, учениците земаат предмети кои го градат контекстот на самиот колеџ, како “Ова е Индија“, а и специјализирани курсеви во Наука на комплексност и Системска мисла. 

UWC Махиндра исто така ја нуди Проектната Диплома заедно со Пред-Универзитетска Диплома Кембриџ. Проектната диплома е специјализирана програма во своите рани години, каде дел од учениците земаат часови од Меѓународната Матура за време на првата година, а потоа ја користат втората година за да замислат и извршат проект кој цели да има позитивно влијание во вистинскиот свет.  

UWC Махиндра нуди огромна разновидност на воншколски активности преку програмата за Креативност, Акција и Сервис (КАС), која олеснува учење низ проекти во пет полиња: Образование, Мир и правда, Одржливост, Комуникација и Култура, и Надворешна едукација. Учениците учествуваат во барем едно од овие полиња и организираат групни проекти. 

Помагањето на локалната заедница се случува не само преку КАС програмата, туку и преку работата со Акшара и локални иницијативи во долината. Ова вклучува работа во локални училишта, програми за претприемништво, органска агрикултура и работа во невладини организации. 

Освен стандардни спортови како кошарка, рагби и фудбал, географската локација на кампусот е идеална за активности како пешачење, велосипедизам и пожарникарство. Голем број од учениците учествуваат во физички предизвикателни патувања за време на Патната недела, како и спротската сезона позната како MUWCILympics. 

UWC Махиндра нуди неколку кратки програми за време на летото кои зближуваат ученици на 14-18 годишна воздраст од целиот свет за да учат за издржливост, глобализација и полови студии. Примарниот фокус е снабдување опширен вовед во важни проблеми преку интеракција со екперти во тие полиња и користејќи го географскиот и културниот контекст на колеџот. “Запознај ја Индија“ е најпопуларниот краток курс, кој започнува со 7 дена во самиот колеџ проследени со 2 недели групни патувања до различни места низ Индија. Други курсеви се “Младите, Околината и Одржливост“, и “Театар, Пол, Идентитет и Филм“. 

Учениците живеат заедно во 5 домови познати како “вади“ (локалниот збор за “двор“). Кампусот нуди многу неформални места за собирање и шетање, и доста локации се познати меѓу учениците за неверојатниот поглед кон зајдисонцето во долината. 

Академските објекти ги вклучуваат училниците во Академскиот квартал, научна лабораторија, дигитална лабораторија, библиотека, место за уметност со поглед кон долината, специјализирани места за театар и музика, голем терен за рагби, фотбал, кошарка и крикет. Социјалниот центар нуди теретана, базен, игри и мало кафуле. Учениците ги јадат оброци во голема кафетерија наречена “Каф“. 

UWC Махиндра е лоцирана на биодиверзитетски резерват од 70 хектари на планински венец паралелен на западниот брег на Индискиот полуостров. Селата во долината нудат многубројни можности за учење и ангажман во заедницата. Градот Пуне е на 30 километри од колеџот и нуди многу можности за посети преку викенд за ресурси и забава.

Учениците аплицираат преку нивниот Национален комитет. Во специјални околности, некои ученици може да аплицираат директно во колеџот. За повеќе информации, погледнете ја нивната веб страна.