UWC Мостар ја нуди Дипломската програма на Меѓународната матура (IBDP). Покрај стандардните предмети, колеџот нуди босанска книжевност, хрватска книжевност, антропологија, економија, еколошки системи и општества и визуелни уметности.

UWC Мостар често соработува во скоро сите поголеми настани што се случуваат во градот Мостар. Еден од нив е Уличниот уметнички фестивал, преку кој се ангажираат млади луѓе од сите делови на градот во кооперативна уметничка авантура која има за цел да ги врати во живот јавните простори на Мостар, кои сѐ уште не ја обновиле својата поранешна живост и социјална намена.  Годишниот уличен фестивал е можеби најстариот јавен и демонстративен доказ за улогата на колеџот во заживување на градскиот живот во Мостар на начин кој ги обединува талентите на младите од сите заедници во овој поделен град.

UWC Мостар исто така беше пионер на концептот Модел на Обединетите Нации во Мостар и целата земја. Се организира и годишниот Фестивал на Зимска Уметност на UWC Мостар, во кој се прикажани талентите на учениците на разни јавни места низ градот Мостар.

Од 2010 година, Колеџот ја претставува Босна и Херцеговина на Првиот Натпревар по Роботика, кој е посветен на помагање на младите да ја откријат и развијат страста за наука, инженерство, технологија и математика. Тимот на UWC Мостар освои бројни награди.

UWC Мостар организира краток курс "Бранови за промена" за учениците од Босна и Херцеговина и пошироко. Курсот им нуди шанса на учесниците да разговараат за социјалните промени и ненасилните движења со локални и меѓународни активисти.

Разновидноста на културите и богатството на обичаите во UWC Мостар е најизразена во резиденциите кои се наоѓаат во западниот и источниот дел на градот. Самата зграда на училиштето се наоѓа во центарот на градот и ги дели просториите со Мостарската гимназија, вклучувајќи научни лаборатории, пространа и светлосна библиотека на таванот и голема соба за настани и состаноци. Достапни се и спортските објекти во самата зграда на Гимназијата и на отворено - вклучувајќи спортска сала, фудбалско / ракометно поле, одбојкарски терен, патека за трчање и скок во далечина. Кабинетот на Колеџот е во близина на академските згради, а студијата за визуелни, театарски и музички уметности се наоѓаат во Мусала, една од студентските резиденции.

UWC Мостар се наоѓа во градот Мостар, во јужна Босна и Херцеговина. Поволната географска локација, близината кон Хрватска и Црна Гора и благата клима го прават Мостар популарна туристичка дестинација. UWC Мостар е единствениот UWC во Југоисточна Европа.

Учениците можат да аплицираат преку нивните национални комитети или преку UWC Глобалната програма за селекција на UWC. За повеќе информации за UWC Мостар, посетете ја нивната веб страна.