UWC Дилиџан го нуди курикулумот на Меѓународната матура. Покрај вообичаените предмети од овој курикулум, колеџот исто така нуди руски, германски и шпански јазик, глобална политика, филозофија и театар.

UWC Дилиџан со задоволство истакнува дека во моментов располага со четворица алумни од UWC движењето, конкретно од UWC на Јадранот и од UWC на Атлантикот, кои моментално се инволвирани во академскиот и резиденцијалниот живот на колеџот. Со својот сооднос од по еден професор на секои пет ученици, колеџот нуди персонализиран пристап кон секој ученик, притоа гарантирајќи им го најдоброто можно искуство со програмата на Меѓународната матура.

Најголемиот дел од професорите на UWC Дилиџан зад себе имаат меѓунардно искуство со предавање предмети од Меѓународната матура пред да дојдат на UWC Дилиџан.

Воншколската програма на UWC Дилиџан се состои од четири елементи: програмата КАС (креативност, активност, служба за заедницата), проектни недели, фокус-недели и културни викенди.

Учениците на UWC Дилиџан соработуваат со разни невладини организации на разни проекти, како на пример градинки во Дилиџан и во околните села, организации кои работат со деца со тешкотии во учењето, но и пошироко со локалната заедница. Учениците организираат различни активности за служба кон заедницата, кои опфаќаат деца од локалната заедница, како на пример проектот Наука со деца, кој им помага на деца кои живеат во Дилиџан да ги реализираат своите научни интереси и да го истражат светот на експериментите, проектот Керамика со заедницата, но и проектот „Дилинглиш“, со кој учениците на колеџот учат деца кои живеат во Дилиџан англиски јазик итн. Една од најчестите т.н. проектни недели е проектот „Поубаво место за живеење“, чија цел е да им се помогне на лица без покрив над главата да се здобијат со нови живеалишта преку учество во градењето и реновирањето на разни живеалишта.

UWC Дилиџан нуди и разни физички активности, како пешачење во природата, скијање и истражување пештери, кои честопати вклучуваат учесници и од Дилиџан и околните села.

Интернатите во склоп на UWC Дилиџан нудат исклучителни ресурси за учење и живеење. Учениите имаат пристап до теретана, затворен базен, игралиште за спортови како фудбал, одбојка, тенис, сквош и кошарка. Кампус-ресурсите вклучуваат библотека, ресурсен центар со интегрирани ИТ помагала, сала за вечера, медицински центар, центар за black box performance и работилница за керамика. При градењето на кампусот беа користени обновливи технологии и природни извори, при што беше користена вода од дождови за наводнување и за рециклажа на сиви води.

UWC Дилиџан се наоѓа во долина која датира од шеснаесетиот век и се наоѓа на перфиеријата на еден голем национален парк во централна Ерменија, на сто километри од главниот град Ереван.

Дилиџан се наоѓа на патот кој поврзува два современи големи градови, Ереван и Тбилиси, во држава која се наоѓа на границата помеѓу Европа и Азија и во срцето на еден разновиден, културно богат и сложен регион со долга историја: во пресекот помеѓу некогашните Персиско, Византиско, Османлиско и Руско царство.

Сите ученици аплицираат или преку своите национални комитети или преку глобалната селекциска програма на UWC(за втората опција нема целосни стипендии). За повеќе информации за UWC Дилиџан, посетете ја нивната веб-страница.