UWC Костарика се гордее со фактот дека е единствениот UWC колеџ што ја нуди целата Дипломска програма на Меѓународната матура и на англиски и на шпански. Од сите ученици се очекува да можат да комуницираат и на англиски и на шпански до крајот на своето образование на UWC Костарика. Учениците кои солидно ги владеат и двата јазици при доаѓањето на колеџот можат да учат еден или повеќе предмети на англиски или шпански и притоа да добијат билингвална диплома.

Покрај стандардните предмети, UWC Костарика нуди културолошка и социјална антропологија, театар, филм, визуелна уметност, екосистеми и општество, француски.

UWC Костарика нуди повеќе од 50 разни активности во кои можат да се вклучат учениците. Покрај тоа, сите ученици мораат да земат учество во програмата за агенти за промени, основана за да ги опреми учениците со вештини потребни за успешно да имплементираат развојни програми и проекти.

UWC Костарика е домаќин на кампот „Водење со срце“ кој помага на тинејџери да развијат знаење, вештини и ставови потребни за ефективно и социјално одговорно лидерство.

Кампусот е опкружен со прекрасни планини и богата флора и фауна кои чинат идеална локација за резиденцијален живот што е безбеден, интересен и несекојдневен. Игуани и разни видови на птици се дел од секодневниот живот на кампусот.

UWC Костарика има 8 резиденцијални домови, сите именувани по познати плажи во Костарика. Во секој дом живеат 24 ученици во 8 соби, делејќи 2 бањи, дневна соба и целосно опремена кујна. Покрај тоа, на кампусот има амфитеатар со 75-квадратна сцена, библиотека, центар на заедницата, кошаркарско и фудбалско игралиште.

На 20 минути од Сан Хозе, главниот град на Костарика, и на 10 минути од врвна болница, кампусот на UWC Костарика е вгнезден во населбата Санта Ана, извонредно безбедна и грижлива заедница која го има земено колеџот под свое крило.

Кандидатите аплицираат преку нивните националните комитети. За повеќе информации одете на нивната веб страна.